河內大娘越南餐廳 (已結業)

朋友在附近返工，今次就由佢帶路去尖東搵食。餐廳很近地鐵站，係P3搭電梯就是了。事前朋友有book位，所以唔洗等就可以入座了。餐廳座位不多，有意三五知己來食飯的建議先預訂。一坐下侍應就送上兩杯熱茶讓我們暖暖身，打開餐牌直接翻去湯粉檬粉類，足足兩頁紙，選擇都幾多。馬上點左想食好久的生牛肉金邊粉和椰青，其他就交由我朋友點了。大大個椰青，飲完我食埋d肉，好好味!很好吃的蒸粉包，我食左兩個，老闆娘話係自家手製唔係出面訂的現成品，食得出真係好新鮮，呢個可以加撈檬汁食朋友推薦的酸子蝦，超級開胃的菜，醬汁係師傅用酸子果自製的，味道天然好食，配上肉質紮實的大蝦一絕，碟上附帶的所有酸子果都被我清光 XD生牛肉金邊粉，湯底很濃郁再配青檸辣椒佐料，味道不錯餐廳環境很舒服，服務好好，食完蝦都幫我地換過新碟，茶冇晒唔洗叫都自動幫手加，同朋友不知不覺係度食左兩個鐘。