泰屋 (已結業)

男朋友係Facebook度見到Beecrazy團購賣廣告，sell緊128蚊位既泰式lunch buffet，食物内容巧吸引，列明有巧多款式既泰國菜啊 ！我地心急得濟，忘記左上OpenRice做功課，咁就抵你地出事嘞 ！我地4月尾打電話落booking , 排期排到24/05星期日，咁多人去食既 ，一定唔差卦……咁就錯哂 ！中午12點準時到達帝盛酒店，坐電梯上二樓就係泰屋。環境唔錯，座位相當寬敞舒適, 可以好hea咁傾計，so relaxing！Buffet bar既食物款式少得可憐 ，得几款熱盤，雖然有不停咁refill, 但來來去去都係呢几款，頂多轉左一款熱盤咋 1.香煎秋刀魚，煎得唔錯，几好食 。2.炸蝦餅加春卷，蝦餅點上左泰式甜辣醬後，好惹味 ！春卷夠香脆 ！3.咖哩牛腩，我少食牛但無選擇底下都試左一小件，肉質巧腍又入味 ！4.有雞肶菇炒雞柳，雞肶菇爽口，雞柳一般。5.炒蜆，有些少沙，味道唔差。6.芝士焗意通粉，普通意通粉。7.炒雜菜，極普通既雜菜。8.咖哩炸魚塊，唯一轉過既熱盤，熱辣辣，魚塊過鹹，不過肉質嫩滑脆口。9.泰式鳳爪，少少辣，鳳爪爽脆 。另有車