一寿司 (已結業)

同朋友仔兩個人六點九唔洗等位入座。不過可以太早食唔到咁多野。火灸玉子:燒玉子係我至愛, 所到之處一定要食。一壽司個火灸玉子係一個必試! 佢一定係熱, 唔似板前可以凍上。食落好軟好好味, 唔知係咪特製醬汁, 有d雞香味...唯一彈就係個無花d心思係刀工度, 板前果件切得好靚ga!三文魚"較"七味燒:好似三文魚"較"西京燒咁, 不過用七味粉。味道唔夠西京燒咁好食。如果大家鍾意食呢味, 介紹大家去中環堅道果間「河田」, 一流!軟腳蟹手卷:敗筆! 炸漿似fish and chips, 厚! 飯太多, 唔好話抵食d! 紫菜淋哂...特大帶子:好大好好肉, 而且好鮮味, 比板前更鮮...必食是日重食左鮮海老、蟹棒、蟹膏蟹肉、吞拿魚蓉軍艦等等...中規中矩啦