Glasshouse Greenery (K11 Musea)

今日同朋友慶祝生日，因為無book位，所以要排隊walk-in ，等左半個鐘終於可以入座。呢間餐廳位置好大，有分室外同室內，室外等候時間就短d。呢間係Gaia Group入邊算係最抵食，個人覺得價錢合理，而且份量都好大碟，可以不妨試吓。

Pizza 係好薄，而且外圍夠脆，最重要係夠熱。

呢個係龍蝦包，朋友話想食先叫，本人覺得味道麻麻，唔太岩我口味，法國包入邊夾左沙律。

賣相唔錯，入邊有鵝肝、龍蝦配料，味道好入味，唔錯唔錯，好評。

最後係焦糖燉蛋甜品，份量都好大，兩個人食岩岩好，上邊淋左烈酒，佢仲有coffee可以淋落去，但我地唔鍾意coffee，所以無落到，整體味道唔錯。