意歐

營業中

休息中

又去女人街搵食~一心諗住去新森林食意粉, 不過行到過去見排晒長龍, 都係試下其他, 行返轉頭見到依間"意歐", 剛剛好有位唔洗等, 就試試佢~講左前菜先, 點左白湯, 不過不失, 略厭太少料, 蒜蓉包都唔錯, 香香脆脆...仲點左香蒜脆雞翼, 都炸得幾香口脆...不過蒜味唔夠, 而且入面有少少乾, 點了少許汁試, 食唔出係咩味, 所以之後都冇點黎食.今日特別想食忌廉意粉, 所以點左巴馬火腿三文魚丸忌廉汁意粉, 意粉同忌廉的質地&味道都唔錯, 意粉同汁的比例差不多, 只係配料方面...三文魚丸好似冇咩三文魚味, 有少少乾, 如果巴馬火腿改為煙三文魚, 應該可以提升整個意粉的味道~另外的菠菜忌廉汁蜆肉蜆殼粉, 蜆殼粉不錯, 唔會太淋同乾, 不過蜆肉比較鹹, 仲有菠菜比較大條...同蜆殼粉的大細不一, 唔太夾...最後講講飲品, 凍朱古力唔錯, 唔會太甜, 凍檸茶就比較甜, 少甜會好啲~