巷仔冰室 (已結業)

雖然叫巷仔冰室，但位置並不在巷仔，每到食飯時間，門口都會排長龍，因為價錢上有競爭性。今日過左食午飯人潮先到達，所以唔洗排隊，好快就決定點鮮茄燴魚柳意粉 - $48，連湯&飲品，價錢方面算經濟。食物好快上枱，賣相吸引魚柳件數都多，SIZE亦大件，份量亦好足，我個人就食唔哂。味道方面，茄汁帶點酸味，岩夏天熱辣辣嘅口味。魚塊算幾大件，魚肉幾嫰，唔乾，因為茄汁量多，所以每啖意粉都有茄汁味，但個人就略嫌茄汁太多，雖然同意粉一齊食，但就好似食緊茄汁。