影片
更多
2006-07-21
10 瀏覽
昨晚一行十人去食, 由於我地幾日前已訂檯, 所以安排了一張靠邊既大圓檯俾我地, 但只得一個鍋, 手短會好唔方便. 環境係唔錯, 食物略嫌貴, 不過呢點都預左, 不過估唔到佢地D服務咁"好"! 好明顯係白鴿眼, 嫌我地叫得少野. 以下就係令我地"氣頂"既事件簿:1) 我地坐低之後, 有D口渴, 環顧四周, 都冇茶水供應, 頂多係自費之飲料, 於是我地就同女侍應講唔該俾幾杯水, 佢問我地係咪想要一支支既水, 我意會到佢所謂既水係要錢果D, 我心諗...你係咪玩野呀? 於是我就老實話:"有冇D唔駛錢既茶水呀?" 之後先至攞熱茶俾我地.2) 由於仲有2個朋友未到, 我地已經填緊紙仔點野食, 有個類似部長既物體走埋來, 問我地駛唔駛落左單先, 我地話未齊人...佢猛叫我地落左單先, 一路食一路等, 好似想我地快D食完交檯咁.3) 由於醬料盤放在檯中央, 其中個朋友添加醬料途中, 火鍋送到, 另一個侍應就一句唔該都冇就移開個醬料盤, 再放上火鍋, 當我朋友想繼續添醬料時, 侍應就想拎走個醬料盤...醒少少當幫忙啦!4) 由於我地第一次去呢間野度食, 我地填紙仔時,見牛肉果PART分了幾個部位, 唔
1) 我地坐低之後, 有D口渴, 環顧四周, 都冇茶水供應, 頂多係自費之飲料, 於是我地就同女侍應講唔該俾幾杯水, 佢問我地係咪想要一支支既水, 我意會到佢所謂既水係要錢果D, 我心諗...你係咪玩野呀? 於是我就老實話:"有冇D唔駛錢既茶水呀?" 之後先至攞熱茶俾我地.
2) 由於仲有2個朋友未到, 我地已經填緊紙仔點野食, 有個類似部長既物體走埋來, 問我地駛唔駛落左單先, 我地話未齊人...佢猛叫我地落左單先, 一路食一路等, 好似想我地快D食完交檯咁.
3) 由於醬料盤放在檯中央, 其中個朋友添加醬料途中, 火鍋送到, 另一個侍應就一句唔該都冇就移開個醬料盤, 再放上火鍋, 當我朋友想繼續添醬料時, 侍應就想拎走個醬料盤...醒少少當幫忙啦!
4) 由於我地第一次去呢間野度食, 我地填紙仔時,見牛肉果PART分了幾個部位, 唔係好清楚, 最終牛肉呢PART係漏空, 我地遞張紙仔俾果個部長物體, 佢即時響我地張紙度逐樣睇, 問我地做乜唔食牛呀? 我理解到佢呢個發問都好正常, 但係佢D態度俾人覺得...佢嫌我地叫得少野.
5) 我地想叫象拔蚌, 不過時價$15/兩, 我地嫌貴, 佢就話不如叫例牌$168, 你地咁多人叫兩個例牌啦! 我就係唔鍾意你咁既態度...最終我地叫了一個.
6) 我地食到尾聲, 好多碟都收晒, 侍應問我地仲打唔打邊爐, 我地話唔啦! 佢收左個火鍋走. 見到剩返個象拔蚌響度未收, 問我地仲食唔食? 其中有個朋友就話:"你都收左個爐咯!" 侍應就不悄地說:"有D人鍾意生食架嘛!"
7) 我地食完野, 侍應幫我地逐個收碗筷, 事後有一個朋友講返, 話個侍應響佢身邊, 隔住兩個身位收D野, 整個身訓晒落個朋友度, 一句唔該借借/唔好意思都冇! 佢根本就想我地即刻埋單走.
其實佢既食物/環境係唔錯, 如果佢地一開始既態度唔係咁, 我地都會點多一ROUND野食, 既然佢認為我地係低消費者就給予此低等既服務態度, 我諗我地呢D"下等人"都唔會再幫襯呢間"樓上樓"! 希望佢地檢討一下什麼是代客之道!
張貼