粵來順 (已結業)

平時去開新填地買野都經過呢間以傳統粵菜招徠嘅菜館, 只係以前中午仍有點心時買過一次點心外賣, 不過不失, 總係想試一次晚飯, 結果~ 當晚約左兩個朋友去試下晚飯, 點左杏汁白肺、招牌豉油雞、千絲芝心球、肉鬆四季豆湯 : 全晚最好, 湯味同材料都好足，都係一個唔錯嘅湯雞 : 鹹、無乜玫瑰露香味, 亦無乜豉油雞雞皮應有甜味, 佢話用新鮮雞, 我信, 但真係麻麻, 轉彎街市入面燒臘檔比佢更好食四季豆 : 四平八穩, 鑊氣亦夠, 不錯全晚最美味大賞 :千絲芝心球～上碟見到芝心球外面包以細麵炸起而成，賣相係吸引嘅, 咬落去就精彩啦, 好似食擦膠咁:鞋、乾、無味, 最利害之處係連入面嘅芝心都係一樣:鞋、乾、無味, 要做到唔同材料但味道同質地都一樣真係好巧功夫, 芝心我以為係流心, 粵來順來個重新演繹, 芝心, 其實都可以用來擦鉛筆, 又好食又好用。另外比到你額外驚喜, 係班伙計愛理不理嘅真誠態度, 真係唔係間間都做得到。所以, 我覺得自己無資格再去食, 我唔配係呢間菜館再浪費我辛苦搵返來嘅錢同有限嘅時間