日嚐

營業中

休息中

餐廳主打家常日式料理，裝修以溫馨木系為主，感覺簡約自然，好有家的感覺。午市時段全場爆滿，人氣非常高。主菜銀鱈魚有兩大件，份量十足，誠意十足。魚肉嫩滑，味噌醬汁鹹香適中，唔會搶過魚味，燒得剛剛好，外皮微焦，內裡保持多汁。米飯選用越光米，粒粒分明，煙韌有咬口。小食揀左柚子青瓜漬，青瓜爽脆，帶有淡淡柚子香氣，清新開胃。主菜慢煮百里香三文魚配濟洲蜜柑汁，三文魚用慢煮方法處理，肉質嫩滑，入口即溶。配上濟洲蜜柑汁，帶點清甜果香，令魚味更突出。烏冬幼身滑溜，口感煙韌。配上昆布木魚湯，湯底鮮甜，充滿海洋味。青蘋果紫薯球，紫薯綿密，加上爽甜的青蘋果，口感清新豐富。和風茄子處理得好入味，軟腍但唔會爛，吸收晒醬汁精華，鹹香中帶少少甜味，十分開胃。最後一杯熱紅棗茶，味道溫和，帶有淡淡紅棗香，飲完好舒服，為整餐畫上完美句號。