意粉屋

係尖沙咀, 唔識搵野食…所以食親o既多數都係連鎖店..
今次都難逃呢個呃運…
今日就去左食spaghetti house果tea set… 但都要70幾蚊
叫左個菠菜蘑菇焗闊麵,加左個酥皮湯

賣相還可以吧? 我當時都係咁諗...
但原來...個菠菜蘑菇焗闊麵係冇味架…淡到不行了
個闊麵又好乾身T^T 好想倒D水去濕一濕, 但無奈地佢已經好淡, 唔通再倒水落去咩?
唔想浪費食物O既我就唯有慢慢食, 食到食哂為上啦…媽….
由於個麵實在不予置評… 我覺得個酥皮湯好好飲
個酥皮好鬆脆, D湯又好入味, 質感都夠厚又夠滑…相對之下, 呢個湯真係冇得輸!