影片
更多
2009-03-16
2 瀏覽
見到咁多好評，搞到成日都好想去試，但次次都驚好多人又無去。尋日晏晝終於去左，去到大概要等17張枱，朋友仔話照等，咁咪等囉。兜左三個字都無，返黎已經過晒仲叫到去23...好彩都比我地補飛，第三張就到我地啦！眼見d冰全部都好似好大個，所以我地決定叫一個冰同一樣其他野去孖份。未入去前已經知道無花生冰，杏仁冰同蕃石榴冰，已經有少少失望，因為我想試蕃石榴冰呀！入到去，見到塊板除左門口o個三隻冰之外，仲寫住無蜜綠豆，蕃茄魔豆，薑汁，芒果冰，士多啤梨冰，指天椒冰，三倍指天椒冰，我諗起碼三份一個menu既野都無我要個香蕉朱古力冰，朋友話要個凍紅豆茸豆腐花，哥哥仔就話要問下有無先。問完，佢話只有豆腐花，無紅豆我地就問：「無紅豆？咁係咪即係我地個冰都會無紅豆？(香蕉朱古力冰包括朱古力冰底，香蕉，紅豆同小丸子)」佢話係，我地就奇怪，繼續問：「咁你又淨係寫話無綠豆，咁即係無紅豆定無綠豆？」哥哥仔：「......er...er...」又走去廚房問過...返黎就話：「總之凡係傳統中式糖水就無...」哦！原來呢度唔係糖水鋪，只係賣冰？如果唔係點會連咁基本既紅豆沙or紅豆茸都無？再者有紅豆供應，點會無紅豆茸？？？？？
兜左三個字都無，返黎已經過晒仲叫到去23...好彩都比我地補飛，第三張就到我地啦！
眼見d冰全部都好似好大個，所以我地決定叫一個冰同一樣其他野去孖份。
未入去前已經知道無花生冰，杏仁冰同蕃石榴冰，已經有少少失望，因為我想試蕃石榴冰呀！
入到去，見到塊板除左門口o個三隻冰之外，仲寫住無蜜綠豆，蕃茄魔豆，薑汁，芒果冰，士多啤梨冰，指天椒冰，三倍指天椒冰，我諗起碼三份一個menu既野都無
我要個香蕉朱古力冰，朋友話要個凍紅豆茸豆腐花，哥哥仔就話要問下有無先。問完，佢話只有豆腐花，無紅豆
我地就問：「無紅豆？咁係咪即係我地個冰都會無紅豆？(香蕉朱古力冰包括朱古力冰底，香蕉，紅豆同小丸子)」
佢話係，我地就奇怪，繼續問：「咁你又淨係寫話無綠豆，咁即係無紅豆定無綠豆？」哥哥仔：「......er...er...」又走去廚房問過...返黎就話：「總之凡係傳統中式糖水就無...」
哦！原來呢度唔係糖水鋪，只係賣冰？如果唔係點會連咁基本既紅豆沙or紅豆茸都無？再者有紅豆供應，點會無紅豆茸？？？？？？anyway,已經無心機再搞落去，要個淨豆腐花算數
豆腐花黎到只見到大量唔知水定糖水，豆腐花又散收收，份量少到可以明顯地見到浮o係d糖水上面，再加一堆仔比五毫子仲要細既黃糖。食落口唔滑又無豆味，超失望！咁就十蚊，真係五蚊都比多佢！好彩無紅豆茸，因為加一加紅豆就要$22！
個冰黎到，份量取勝，但小丸子份量少得可憐，全碟只有三粒！紅豆有大概半隻手掌既份量，都可以接受，香蕉有成條，都OK。不過食落去真係唔覺有咩特別，只係美祿雪成冰再刨返碎佢，朱古力味唔夠香！小丸子又唔煙靭...
碟冰都未食晒，朋友已經話一定無下次...唉！好失望...搞到鬼咁唔好意思，等我仲係特登拉佢黎陪我試既添！
另：食緊既時候見到某哥哥仔拎住碟白色既冰去隔離枱，話：「蕃石榴冰！」食客們回應：「無呀！唔係我地架...」哥哥仔個樣好疑惑？？？再聽到食客既耳語：「又話今日無蕃石榴冰既？」 哥哥仔先醒覺，係喎...今日無蕃石榴冰！
原來o個碟係牛奶冰呢！連自己鋪頭有乜無乜都未搞清楚，實在有點兒那個呢！
張貼