影片
更多
2024-02-09
782 瀏覽
重遊舊地，好耐冇嚟呢度食粥麵，入到去以前的兩位伯伯已經唔喺度。現在的所謂老闆娘，態度囂張，不可一世咁，所謂臭坑出臭草，連啲伙計都一樣。坐低諗住叫碗牛腩麵再叫碗粥食，可能覺得我淨係叫碗牛腩麵幫襯少，連單都冇幫我落(當時一啲唔忙，加埋我得三，四個客)，等咗好耐唔對路，見隔離枱入客叫埋嘢食，嘢食都落埋枱。我就問個樓面阿嬸有冇幫我落碗牛腩麵？但佢冇出聲只怒啤我，好似想鬧我咁，麵檔師傅啱啱行過聽到就即刻整返碗麵俾我。阿嬸！你漏單，我問聲啫，仲要兇我？當然已經冇晒mood，嗱嗱聲食完就走，粥都唔想食，出門口俾錢，個老闆娘找錢時仲要擰歪面多謝都冇聲...真係貼錢買難受...俾錢受佢氣！請都唔會再去！食物方面，牛腩仲食得吓，但已經冇以前兩個伯伯做嘅咁入味
現在的所謂老闆娘，態度囂張，不可一世咁，所謂臭坑出臭草，連啲伙計都一樣。
坐低諗住叫碗牛腩麵再叫碗粥食，可能覺得我淨係叫碗牛腩麵幫襯少，連單都冇幫我落(當時一啲唔忙，加埋我得三，四個客)，等咗好耐唔對路，見隔離枱入客叫埋嘢食，嘢食都落埋枱。我就問個樓面阿嬸有冇幫我落碗牛腩麵？但佢冇出聲只怒啤我，好似想鬧我咁，麵檔師傅啱啱行過聽到就即刻整返碗麵俾我。阿嬸！你漏單，我問聲啫，仲要兇我？
當然已經冇晒mood，嗱嗱聲食完就走，粥都唔想食，出門口俾錢，個老闆娘找錢時仲要擰歪面多謝都冇聲...真係貼錢買難受...俾錢受佢氣！請都唔會再去！
食物方面，牛腩仲食得吓，但已經冇以前兩個伯伯做嘅咁入味
張貼