景逸軒 (已結業)

之前參加景逸軒既開放日，打算睇吓周圍嘅佈置、食物同服務，因為諗住係到擺婚禮，最後屋企人需要少少時間考慮所以無即時決定，但仍然對呢間餐廳有好感，臨走嘅時候仲得到一張$200嘅現金卷，限期可以喺半年內使用。而今晚我哋就打算用呢張現金卷，所以就直接上去食飯。去到既時候店員一開始就話新年期間唔可以用現金卷，但張現金卷明明無寫呢個限制，只有寫半年內使用，最後佢問店長先話可以用，但轉個頭就講今晚已經坐滿人，無預約既話無得食，不過好明顯見到仲有好多空枱，我忍唔住直接問店長點解會安排唔到位置俾我哋，我哋只不過係兩個人，用餐可以一小時內完成，況且從來無講過要預約先能夠用餐，最後店長俾左一張近洗手間既枱我哋，我哋都唯有接受，但感覺極不好受坐低左之後發現所謂既餐牌就得呢一張紙，店員又話因為新年關係得呢d野食。。。算啦因為唔想再嘈就盡快叫野食，係6點45分落單，廢事阻住張枱咁耐點知由落單即刻俾前菜同茶之後我哋一直等左30分鐘都無任何食物到，跟住我哋好有禮貌請店員嗺一嗺單，店員都即刻去幫手追，可惜之後冇咗下文。之後我哋又等多15分鐘仍然冇嘢食，我哋又再問另一位店員食物既情況，店員行左去追，追左一陣就返轉頭話部機