瀛舍 (已結業)

呢間係荃灣大鴻輝的日式放題 - 瀛舍，如果我要俾一個Grade 它的話，我會俾「Unclassified/ Catastrophic」，他係我有記憶以來，食過最差的餐廳(沒有之一)。今日因為想俾自己休息下，又唔想走太遠；所以請咗假，同媽咪行下荃灣；諗咗有d 時間，食下放題都好；點知幾十樣食物，勉強合格的只有兩樣 – 羊架同芝士年糕。我媽見到相鄰的三個十六七歲的男仔，最初食刺食時大叫中伏，之後將d 刺身塞入個汽水罐到，開始order d 熱食，但不夠一會也完全投降，終於決定專心傾計。至於我同呀媽，就決定繼續戰鬥，但事實唔會因此而改變。刺身唔夠新鮮，即時放棄是必然既；之後所上碟的：熱食唔熱，我地一步步走向安全章，點知係呢間餐廳，無野係唔伏既。蕃薯又乾又硬又凍、燒菠蘿變生菠蘿、連燒蝦都霉曬。雞肉串的肉質係直情散既… 至於雞翼雪味完全未除… 你知唔知要呢兩樣野都要放唔入口，有幾難？最後去到甜品，個泡芺係表面乾曬既；有個士多啤梨大福，我媽後生以前做過日式餅店，她話如果唔係放咗三五七日都唔賣出去，絕對唔會可以硬到咬唔開。