影片
更多
2019-05-14
649 瀏覽
啱啱過咗佛誕，享受左三日兩夜嘅短假期。返工依然係holiday mood，所以冇OT準時就走左。同事介紹之下去咗呢一間喺公司附近嘅西餐廳。聽聞呢間餐廳嘅烤豬手超高水準，但今晚大家都唔係太想食豬手，於是就係員工嘅介紹下試咗其他菜式。位於D2 Place嘅呢間分店樓底好高，而且座位好闊坐得幾舒服。今晚早左黎所以餐廳未有太多客人。首先上枱嘅係秘製香料炸雞翼配上自家調製嘅醬汁($118)，味道有少少似泰式甜酸汁，又帶有微微芫荽嘅香味。我比較鍾意食香口嘅嘢食，所以又叫咗佢哋嘅招牌炸薯條🍟($58) 薯條金黃香脆好香口。等咗大概20分鐘，焗芝士菠菜批($128) 終於上枱喇！不得不讚呢一個批，芝士同菠菜嘅份量比例啱啱好，食落完全唔會覺得濟。配上忌廉奶油醬汁同埋新鮮嘅生菠菜同芝士一齊食，口感好豐富。主菜係pork kababas ($228) 豬肉有肉汁鎖住，咬落去係鬆軟嘅一啲都唔會韌。配菜有新鮮嘅蕎麥沙律菜，配搭十分清新。最後上枱嘅係香煎比目魚意大利飯($215)，魚皮煎得好香脆，魚肉亦唔會乾身係有汁嘅。呢度唔只烤豬肉高質，魚嘅菜式都煮得唔錯。
首先上枱嘅係秘製香料炸雞翼配上自家調製嘅醬汁($118)，味道有少少似泰式甜酸汁，又帶有微微芫荽嘅香味。
我比較鍾意食香口嘅嘢食，所以又叫咗佢哋嘅招牌炸薯條🍟($58) 薯條金黃香脆好香口。
等咗大概20分鐘，焗芝士菠菜批($128) 終於上枱喇！不得不讚呢一個批，芝士同菠菜嘅份量比例啱啱好，食落完全唔會覺得濟。配上忌廉奶油醬汁同埋新鮮嘅生菠菜同芝士一齊食，口感好豐富。
主菜係pork kababas ($228) 豬肉有肉汁鎖住，咬落去係鬆軟嘅一啲都唔會韌。配菜有新鮮嘅蕎麥沙律菜，配搭十分清新。
最後上枱嘅係香煎比目魚意大利飯($215)，魚皮煎得好香脆，魚肉亦唔會乾身係有汁嘅。呢度唔只烤豬肉高質，魚嘅菜式都煮得唔錯。
張貼
