和味生滾粥 (已結業)

有個老友介紹呢間粥舖好出名所以去試下,去到款式的確比一般粥舖多,小弟叫左豬潤豬心粥,薑蔥魚腩同蜆介鯪魚球.先講個粥,的確生滾而用料係新鮮既,不過個豬心就....能夠講係食刀法囉,個人認為豬心係食口感同厚肉,之但係佢切到好薄咁我又何須食豬心呢...豬潤都ok既...但好老實豬潤粥大把地方食,我黎主要係想食豬心....失望...再到個魚腩,我真係火都黎,魚腩走油太重手,炸到好乾而且調味過重,小弟出名食得咸都覺得佢好咸,件數都多既...我唔知關唔關煮法事,可能佢既煮法係咁...但如果魚腩炸到咁透我就唔洗食魚腩啦....最後綾魚球,係唯一可以接受既一款,足料而且唔會太多粉..呢間野既價錢比一般粥舖高少少,特色食材既粥係賣點之一,田雞之類都有,不過只能作一試無妨,不試再去...因本身冇唸住出食評,但有少少中左招既feel所以出post分享...thanks~