影片
更多
2019-09-17
159 瀏覽
今日老友係浸大有講座，咁岩放假當然要去捧下場兼聚舊，佢就帶左我黎呢間西餐廳。晚餐雖然無set揀，但可以加$38 upgrade有餐湯及飲品，加+68更可以有埋頭盤，而咁岩餐廳做緊牛扒優惠，岩晒喜愛食牛嘅我。落單後好快就送上餐包，自家製麵包上檯時熱辣辣，食落感覺好舒服。是日餐湯係法式洋蔥湯，洋蔥煮得好淋好入味，無晒刺鼻嘅味道，中間嘅法包吸收晒湯汁，非常好味。 三文魚他他，藜麥，黑魚子，印度脆餅 :三文魚他他加入微鹹嘅黑魚子，令味道更有層次，配上清淡脆身嘅藜麥，口感及味道都更為豐富。63度溫泉蛋配松露忌廉汁炒雜菌 :溫泉蛋浸係松露忌廉汁中間，賣相唔錯。刺穿溫泉蛋後蛋汁流入忌廉汁，味道唔會太濃，雜菌新鮮爽口，食晒雜菌後真係忍唔住飲埋d湯汁呀。 德薩斯州式bbq烤雞薄餅 :一個薄餅有6件，餅底烤得香脆，烤雞份量都幾多，配上微辣嘅bbq醬，令人越食越開胃。威靈頓牛柳 : 最期待嘅威靈頓牛柳終於出場了，五成熟嘅牛柳包係酥皮入面，中間再夾有鵝肝醬，剩係賣相已經非常吸引，牛柳肉身唔韌，入口滿口肉汁，鵝肝醬味道好香，亦唔會蓋過牛嘅味道，伴碟有薯條及沙律，令感覺無咁油膩。埋單每人二百幾蚊，雖然唔算平，但餐
晚餐雖然無set揀，但可以加$38 upgrade有餐湯及飲品，加+68更可以有埋頭盤，而咁岩餐廳做緊牛扒優惠，岩晒喜愛食牛嘅我。
落單後好快就送上餐包，自家製麵包上檯時熱辣辣，食落感覺好舒服。
是日餐湯係法式洋蔥湯，洋蔥煮得好淋好入味，無晒刺鼻嘅味道，中間嘅法包吸收晒湯汁，非常好味。
三文魚他他，藜麥，黑魚子，印度脆餅 :三文魚他他加入微鹹嘅黑魚子，令味道更有層次，配上清淡脆身嘅藜麥，口感及味道都更為豐富。
63度溫泉蛋配松露忌廉汁炒雜菌 :溫泉蛋浸係松露忌廉汁中間，賣相唔錯。刺穿溫泉蛋後蛋汁流入忌廉汁，味道唔會太濃，雜菌新鮮爽口，食晒雜菌後真係忍唔住飲埋d湯汁呀。
德薩斯州式bbq烤雞薄餅 :一個薄餅有6件，餅底烤得香脆，烤雞份量都幾多，配上微辣嘅bbq醬，令人越食越開胃。
威靈頓牛柳 : 最期待嘅威靈頓牛柳終於出場了，五成熟嘅牛柳包係酥皮入面，中間再夾有鵝肝醬，剩係賣相已經非常吸引，牛柳肉身唔韌，入口滿口肉汁，鵝肝醬味道好香，亦唔會蓋過牛嘅味道，伴碟有薯條及沙律，令感覺無咁油膩。
埋單每人二百幾蚊，雖然唔算平，但餐廳環境舒服，都算唔錯，咁以後去大學就唔駛再食頹飯啦。
張貼
