京都勝牛 (Tower 535) (已結業)

懷住一顆回味日本燒牛嘅心，黎到響住京都「過江龍」之名嘅「京都勝牛」🥩 結果等位等左成粒鐘，價錢高昂之餘，質素亦令人失望，想試嘅朋友可以等過左熱潮先😪《厚切菲力查牛扒套餐》 $198 2 / 5呢個價錢絕對唔便宜，分量幾多，厚唔厚切就見仁見智🙈 由於炸牛扒都幾生，我哋叫店員俾咗鐵板我地燒一燒🥩 唔燒嘅肉係涼嘅，炸粉唔脆，最重要係無牛肉味🥲🥲🥲 肉有啲鬆散，但旁邊嘅醬汁加埋就幾好嘅，特別係個咖喱汁😃《元組炸牛扒套餐》 $148 3 / 5 🥱🥱🥱係有對比之下，元祖炸牛扒嘅肉質比較厚實，起碼係完整嘅牛扒🙂 炸粉同樣偏厚，唔夠脆，如果要點汁食先好食嘅，就唔係靚嘅牛🥲套餐配搭嘅《麥飯》係可以無限添加，好有米香👍🏻《元組牛排炸串》 套餐+$58 連飲品哩碟小品反而比吉列牛優勝，牛味較出，炸粉都係幾厚，要襯熱食再吱埋檸檬汁👍🏻《麻糬雪糕糯米糍》 套餐+$68 連飲品成晚最滿意嘅都莫過於呢個甜品👏🏻 麻糬皮十分軟糯，包住雲呢拿同抹茶雪糕，加上旁邊嘅乾果脆脆同果仁，口感豐富😋 整體黎講店員態度好，環境都尚算舒適，不過哩個價錢就應該要有番高啲質素...