影片
更多
2019-07-16
706 瀏覽
奶油包公司又到一年一度忙到PK既時候但係點忙都好都係要食飯飯既奶油包就約左一個細到可以做我個女既追星朋友仔食飯因為有重要事情要傾就約左係一個好方便大家既地方--銅鑼灣因為奶油包同朋友仔成日都食韓燒咁今次就攪攪新意思係街度行去搵下有邊間係吸引我地就入去食咁岩好『四寶食堂』就係DECO方面好岩我地心水因為明明係一間茶餐廳但點睇都覺得有少少餐廳feel門面係眼睛好舒服既綠色室內既牆身有好多玫瑰花點綴好有少女風睇睇個MENU...食物選擇唔算好多但好似樣樣都好吸引咁奶油包同朋友仔個日好肚餓叫左好多野食同野飲首先嚟個沙嗲牛麵…唔知係唔係我既錯覺D麵唔似一般香港既公仔麵好有咬口之餘唔會吸晒D湯而軟身晒牛肉好軟身沙嗲好入味好有印尼風感覺都幾正宗2個人又點可以只係食一個沙嗲牛麵就夠我地仲叫左一個黑松露炒蛋午餐肉菠蘿包呢個真係要講講上枱既賣相好靚食落更加係香口既可能係因為有黑松露個炒蛋好滑菠蘿包就可能因為加左蛋係入面有少少淋左但整體係唔錯既2樣野食又點能夠滿足我即時嚟多一個牛扒餐估唔到既係...叫既時間waiter竟然會問我要幾成熟呢D係Fine Dining先會問既野茶餐廳都有What so amaz
但係點忙都好都係要食飯飯既
奶油包就約左一個細到可以做我個女既追星朋友仔食飯
因為有重要事情要傾
就約左係一個好方便大家既地方--銅鑼灣
因為奶油包同朋友仔成日都食韓燒
咁今次就攪攪新意思
係街度行去搵下有邊間係吸引我地就入去食
咁岩好『四寶食堂』就係DECO方面好岩我地心水
因為明明係一間茶餐廳但點睇都覺得有少少餐廳feel
門面係眼睛好舒服既綠色室內既牆身有好多玫瑰花點綴
好有少女風睇睇個MENU...
食物選擇唔算好多
但好似樣樣都好吸引咁奶油包同朋友仔個日好肚餓
叫左好多野食同野飲
首先嚟個沙嗲牛麵…
唔知係唔係我既錯覺D麵唔似一般香港既公仔麵
好有咬口之餘
唔會吸晒D湯而軟身晒
牛肉好軟身
沙嗲好入味
好有印尼風
感覺都幾正宗
2個人又點可以只係食一個沙嗲牛麵就夠
我地仲叫左一個黑松露炒蛋午餐肉菠蘿包
呢個真係要講講上枱既賣相好靚
食落更加係香口既
可能係因為有黑松露
個炒蛋好滑
菠蘿包就可能因為加左蛋係入面
有少少淋左
但整體係唔錯既
2樣野食又點能夠滿足我
即時嚟多一個牛扒餐
估唔到既係...叫既時間waiter竟然會問我要幾成熟
呢D係Fine Dining先會問既野
茶餐廳都有
What so amazing...
牛扒餐真係要叫五成熟先好食
太熟會鞋...太生又唔係個個接受
牛肉味都OK
但如果可以多幾種汁就更好
因為唔係個個人都鍾意黑醋汁
配菜係超級大薯角
香口...仲好熱辣辣
奶油包同朋友係食過唔停既
食完Main Course就要食個甜品中和返
我地就叫左個法式疏乎蛋多士
呢個甜品好大份但食落口唔會覺得好膩
可能因為佢既口感係疏乎尼Feel
加上佢仲落左D橙皮去整
以橙皮味祛左D膩感
飲品方面...
奶油包同朋友2個人叫左4杯野飲
包括：朱古力雪山，阿華田雪山，西班牙咖啡，雪糕紅豆冰
雪糕紅豆冰係牛扒餐加錢去換既因為紅豆冰係朋友叫既
佢冇講俾我知咩味
但好似話花奶味幾重
奶油包像既係西班牙咖啡
總覺得呢D係茶餐廳係冇既野
四寶食堂竟然都有
真係覺得好非一般
Overall嚟講...
成餐都唔錯
食物好味...環境唔錯...
仲有Waiter好熱心
奶油包覺得茶餐廳嚟講
四寶食堂有85分
張貼
