自在素食

7點半去到唔洗等位，正啊! 但其實入座率都7、8成架!
講一講餐館環境，2層高，枱與枱之間好鬆動，坐得好舒服

2人叫左3樣食物

1. 荔茸芋角 (點心) : 點心一早整好放喺門口點心架， 芋茸夠軟， 加埋入面嘅馬蹄，食落去唔會乾。如果可以熱食仲好!
2. 薑蓉炒豆苗: 冇咩油，普普通通。
3. 羅漢齋炒麵: 伴菜有冬菇、小粟米、生根、雲耳同豆腐。炸左嘅麵好脆，唔痴牙! 個汁濃味適中。唯獨冬菇冇味。不過都ok啊!

要提一提佢個鐵觀音，有色，夠香，味道濃郁。1人6蚊茶介，有呢個質素嘅茶，抵左!