大叻越南牛肉粉餐廳 (蘭杜街) (已搬遷) 新店位置

餐廳位置頗隔涉，不近灣仔又不近金鐘，若不是咁啱經過，都不易發現呢間餐廳。餐廳不算大，位置不算好多，夜晚七點左右都已經坐左好多人。今次叫左呢個晚市一人餐的炭燒香茅雞扒飯，另有豬扒揀。仲送絲網春卷和港式熱飲！唔洗五分鐘就送到黎啦，塊雞扒真係好大塊！而個飯望落就相對細。雞扒望落好大塊，但就不算厚，食落唔算熱，不過都好食！如果可以熱少少就好啦。我唔係好食得岀春卷有咩餡，但個皮真係好脆，一樣不算熱，但好食！😋以為個飯唔大，但食落其實都飽肚，而且雞扒底仲有椰菜！奶茶都係港式奶茶味，沒特別。今餐真係好飽肚！😋