Cafe Paradise (已結業)

經朋友介紹，得知太子有間好有「heart」嘅西餐小店，今晚決定去支持一下。一去到，餐廳已經坐滿食客。服務員好有禮貌建議我們到附近另一間分店（界限街）試試看。行大概3分鐘左右，就到達另一間分店，幸好剛剛有食客離開，我們好幸運有位。「煙火腿茄汁意大利粉」正常一個意粉，雖然沒有驚喜，味道跟預期一樣，合格。「白汁香菇雞柳天使麵」好香濃嘅雜菇味道，天使麵煮得剛剛好，不會太「林」變咗一個麵餅。「車打芝士焗肉醬馬鈴薯角」好喜歡食薯角，加上車打芝士同埋茄汁肉醬，份外開胃又好味。其實普通炸薯角加茄汁肉醬已經天衣無縫，再加埋邪惡嘅芝士，簡直完美組合！這間餐廳參加了JCI「不一樣的我 · 進展所能」計劃，因為今次太夜不適合飲咖啡，我們會再嚟，試吓這位咖啡師的手勢。