LAB10 (已結業)

行開朗豪坊,發現新開咗間嘢~門口有一個位係賣嘢飲嘅~行埋去睇真啲~原來係一間韓燒嚟架~有新嘢,襯夜晚6點幾仲未多人,緊係入去試吓啦~環境裝修一啲都唔似韓燒~唔講仲以為係一間cafe第一次食,又想試吓其他嘢,所以決定平平哋叫個精選和牛併盤呢個併盤唯一好就係精選咗4種牛肉出嚟分量唔太多~但想試吓其他嘢的話叫呢個就最好不過喇~店員放底併盤後細心解說係咩牛肉~併盤分別有 厚切牛舌,首爾牛肋條,牛後腹同牛小排雖然我好快就唔記得咗~最緊要好味嘛~個人最鍾意食佢個首爾牛肋條,好入味,又唔韌牛舌就好有口感其他2款都充滿濃郁嘅牛味好林好好味~唔需要再多點醬汁燒時仲一啲煙都無~又唔大味~讚啊~跟住再叫咗個生韓牛伴雪梨牛油果~之前去韓國食過生韓牛伴雪梨愛上咗~喺呢度竟然加埋牛油果咁特別~緊試一試佢賣相都幾靚仔~店員話就咩撈埋佢就食得~呢個係比我撈完個樣~第一啖覺得怪怪哋~但慢慢食落其實都幾好味~仲有叫咗個 韓式牛骨湯~呢個牛骨湯好好飲~好濃烈嘅牛味~羅白好林好入味~店員仲比咗個小匙羹我哋,叫我哋“new”啲牛骨髓食~口感好似食緊肥膏咁~但味道幾特別~不知不覺我就“new”晒嚟食嘢飲我好保守咁叫咗 菠蘿梳打~