疫情期間餐廳衛生都做得好足，枱櫈清潔得好乾淨，枱與枱之間空間都算足夠。
我哋叫咗佢幾款拿手小菜，分別係玫瑰真露翼同芝士岩漿飯。個玫瑰真露翼好特別，出面係食唔到嘅。
佢係落咗啲韓國真露燒酒，再加少少玫瑰汁落嗰啲凍雞翼度。感覺有少少似醉雞，係一個韓國風味嘅醉雞。至於個芝士岩漿飯真係冇得頂，我開頭都好擔心佢會好漏，但係食落好有芝士嘅香味，亦都完全唔漏，兩個人食完一啲都冇滯嘅感覺。
另外我哋都嗌左一碟無骨豬手，同埋豆腐海鮮湯。兩個人竟完全食得晒，我自己都嚇咗一跳，因為實在太好食。最後一人嗌左一杯人蔘蜜養吓生，甜甘比例啱啱好。大家齊齊捧住個肚走。
