金田家 (已結業)

金田家就食過好多次，但荃灣店真係第一次食。一坐低就已經feel到同其他分店有唔同，因為佢係無落單紙填的，睇menu後更發現食物種類都唔同啲😍，事關荃灣店有飯類同沾麵等，都係其他店無出現過的！仲有前菜送和風蕃茄沾麵（$88）沾麵係採用全麥麵，較粗身，仲會配埋荀、木魚同蛋🥰；湯底係偏傑身，蕃茄味十分濃郁，仲帶有鰹魚風味，飲落好有層次。而將麵條逐部份咁浸落湯底，好輕易就可以掛到湯底嘅味道，最最最估唔到係裡面有咁多塊叉燒，好足料，落埋芝麻就更香口更完美。由於太欣賞個湯底而且唔想浪費，所以就叫多個替玉（$12）黎沾一啲都唔輸泄當然身為蛋怪嘅foodpigss🐷🐷係要加返隻溏心蛋（$14）啦咁就變成左完美嘅兩碗沾麵，仲更實惠😎Btw. 雖然menu話係October Limited，但🐷🐷係十一月去都仲食到，所以確實幾時完真係唔知。另外仲食左啲小食炸軟殻蟹（$46）好惹味，個人較愛點咖哩粉🥳吉列蠔（$58）炸得金黃色，咬落好脆，裡面嘅蠔都肥美且鮮甜最後就用一杯🐷🐷覺得有點兒少嘅蘋果汁（$18）作為今餐嘅句號。