篤篤車 (已搬遷) 新店位置

之前睇過雜誌介紹呢間車仔麵餐廳，有好特別嘅鱷魚湯及冬蔭功湯底，今日趁有時間，一於返工前試下。三餸麵都只係38蚊，價錢合理，如果要海鮮就每款加多3蚊，亦可以選擇要餐跟小食及菜。一場黎到就梗係要試呢款泰國鱷魚湯，湯底呈奶白色，有少量杞子，紅棗及菇，先飲一啖湯，味道好鮮甜，有一種暖和嘅感覺，味精唔多，飲完後唔會好口乾。餸揀咗豬大腸，蘿蔔及牛筋，大腸煮得好入味，蘿蔔夠淋無渣，吸收咗鱷魚湯後更加鮮甜，牛筋亦炆得好淋，整體黎講好好味。遲d等天氣無咁熱，真係要試埋個冬蔭功湯。