天浮橋拉麵 (已結業)

第一次嚟食，環境寧靜，簡潔嘅日式裝置，沒有多餘嘅飾物，感覺特別整潔衛生，空間唔大，座位有限但氣氛卻有日式拉麵店嘅感覺。麵店以日本濃厚雞白湯作招徠，加上日本直送嘅食材及選用雞胸同雞腿肉製作嘅叉燒，絕對係雞味十足。麵店有五款口味嘅拉麵選擇，而且客人可以揀選湯麵或沾麵。我點咗呢度其中一款「海老味噌湯麵」。 有別於平常食到嘅豬骨、鹽味、味噌、醬油湯底，呢款湯底以雞湯為基調，用櫻花蝦同蝦油調味。湯底嘅火候恰到好處，厚滑的雞白湯，味濃，湯厚，容易掛麵，湯底十分鮮甜，一口接一口，吃到最後卻冇半點口渴嘅問題。拉麵配料豐富，有雞肉叉燒、一隻溏心蛋、櫻花蝦、木耳絲、紫菜、洋蔥同蔥。溏心蛋在水準之上。雞肉叉燒，有啲厚度，當我咬一口雞肉嘅時候，雞肉好似啱啱熟，嫩滑好吃，完全冇一絲柴口嘅感覺在嘴里面，大概係慢煮雞肉吧！麵條則係偏粗嘅細麵，咬起嚟彈牙。相當有水準嘅拉麵，推介!飲品方面有唔少選擇，點咗一支完熟桃味梳打，桃香加上有汽梳打，飲落真係好正。