日式料理中夾雜著西洋嘅風味～ 相影成趣😋
整個set係2人份，有生蠔、蟹肉、鵝肝醬凍批、大海蝦、象拔蚌仔、帶子、煙三文魚仲有海膽！絕對唔係少野～ 堅上等用料！堅飽到上心口😂
海膽係鮮甜滑👍🏻入口即溶化、生蠔以熱情果汁配入香檳啫喱搭食！感覺好清新而且出奇會後來湧上嘅生蠔鮮甜，都幾驚喜位。另外帶子都相當新鮮晶瑩剔透大而厚實😌
大海蝦以及象拔蚌仔就係熟嘅凍海鮮！爽口彈牙，蟹肉就碎上伴以青翠嘅青瓜片伴食😌煙三文魚預先以紅菜頭汁腌製，超級無敵足量同大大片！煙薰咸香中帶一份淡淡嘅果甜👍🏻而鵝肝醬凍批則點綴上黑魚子再以墨魚汁做成嘅脆片一齊食用！口感有著層次嘅沖擊👍🏻👍🏻👍🏻
飲品QT熱烈推介菠蘿香茅薑soda! 正！超意相不到嘅夾同好好味！
