相撲手日式放題 (已結業)

呢日又係同事Farewell日，撞正Happy Friday，有兩個同事食過呢間放題話幾好，又好氣氛，岩哂gathering，於是我地就book左呢間餐廳準點放工柴娃娃去食放題。首先拎d野飲先，呢度有我鐘意既蘆薈野飲😍。榴槤控既必食既榴槤炸彈，榴槤味好香(連隔兩個位既同事都聞到)，外皮又香脆唔油，忍唔住encore。大大隻 新鮮甜美，又一必encore之選。好足料，岩哂我呢d重口味之人。今晚呢度仲送每人兩隻生蠔同海膽蝦👍。食食下仲開咪通知有師傅即席劏魚。劏之前仲放係度比大家任影，好識搞氣氛。第一次食放題又得睇劏魚、食藍鰭吞盒魚，又有得食生蠔，服務仲唔錯添，完全無漏單，野食仲好快上枱添。今次同事無介紹錯。