影片
更多
2018-04-16
150 瀏覽
呢日落雨同老婆經過呢間雜誌介紹過嘅車仔麵店決定入嚟食個lunch。餐廳雖然唔係好大，但裝修得好雅緻，地方好乾淨，坐得好舒服。我點左個小麻辣配4餸嘅泰國鱷魚湯底粗麵(連加底$44)，4個餸分别係辣鷄翼尖、辣豬皮、咖喱魚蛋同炸魚皮。碗麵賣相一流，奶白色的湯底上面除左鋪滿4個餸外，仲配有紅色嘅杞子同紅棗，睇見都想食。食落個鱷魚湯底味濃帶有小小麻辣，好味開胃得嚟唔口乾，粗麵彈牙無鹼水味，炸魚皮香脆，鷄翼尖同咖喱魚蛋都好入味，豬皮爽口吸晒個湯底嘅精華非常好食。老婆叫嘅珍珠元貝、牛栢葉、豬大腸冬蔭功米線($37)亦非常出色。湯底酸酸辣辣好嘢味，有成10幾粒嘅珍珠元貝好新鮮彈牙，豬大腸有豬腸味得嚟又好入味唔肥膩，碗麵入面仲配有秀珍菇同好多中芹夠晒豐富。除左呢2碗麵我哋仲點左個泰酥炸鷄翼($26)亦好好味，鷄翼表面炸到好香脆，入面入味又juicy, 配埋個酸酸地嘅醬真係無得輸！杯薄荷青檸梳打(跟餐$11)亦值一讚，杯入面有好多新鮮薄荷葉，味道全部係出自新鮮的食材而並非人造味道。食完呢餐，覺得呢度嘅食物，都係好畀心機煮到入味得嚟啱啱好火喉畀客人嘅，而唔似其他車仔麵店嘅餸，感覺隔左幾夜咁，所以呢度係好味得
我點左個小麻辣配4餸嘅泰國鱷魚湯底粗麵(連加底$44)，4個餸分别係辣鷄翼尖、辣豬皮、咖喱魚蛋同炸魚皮。碗麵賣相一流，奶白色的湯底上面除左鋪滿4個餸外，仲配有紅色嘅杞子同紅棗，睇見都想食。
食落個鱷魚湯底味濃帶有小小麻辣，好味開胃得嚟唔口乾，粗麵彈牙無鹼水味，炸魚皮香脆，鷄翼尖同咖喱魚蛋都好入味，豬皮爽口吸晒個湯底嘅精華非常好食。
老婆叫嘅珍珠元貝、牛栢葉、豬大腸冬蔭功米線($37)亦非常出色。湯底酸酸辣辣好嘢味，有成10幾粒嘅珍珠元貝好新鮮彈牙，豬大腸有豬腸味得嚟又好入味唔肥膩，碗麵入面仲配有秀珍菇同好多中芹夠晒豐富。
除左呢2碗麵我哋仲點左個泰酥炸鷄翼($26)亦好好味，鷄翼表面炸到好香脆，入面入味又juicy, 配埋個酸酸地嘅醬真係無得輸！
杯薄荷青檸梳打(跟餐$11)亦值一讚，杯入面有好多新鮮薄荷葉，味道全部係出自新鮮的食材而並非人造味道。
食完呢餐，覺得呢度嘅食物，都係好畀心機煮到入味得嚟啱啱好火喉畀客人嘅，而唔似其他車仔麵店嘅餸，感覺隔左幾夜咁，所以呢度係好味得嚟係非一般的車仔麵!
張貼
