西貢越南湯河 (已結業)

之前，見雜誌介紹過米打算入去食下囉。夜晚七點幾，入邊得三個食客，就心知不妙。算啦，特登過黎，唔通唔食咩。環境都唔太差既，幾開洋，有好多鏡。一入去，佢就比左杯茶我地，同普通茶餐廳一樣，但係杯茶好好味。以為d野應該會好好味啦。咁我地就叫左兩個生牛河同一個春卷濛。點知，愈坐愈熱，熱得滯，隔離台有個食客，忍唔住同waiter講，但結果都係咁，熱到死。等左三個字d野食先黎，有d太耐啦。點知個生牛河黎既時候，d牛太少又太熟唔太好味。但個湯都唔錯既，但係細左d。我個男仔frd覺得唔夠飽。然後，再等左一個字，我個春卷濛終於黎啦。呆左，d春卷油到爆，作為女仔我輕嚐左一口就唔食啦，比晒d frd。但我個男仔frd都話太油，佢都要用水沖一沖先敢食。但其實個春卷入面既料都幾好味既，但真係太油啦。食唔到。d濛粉同米線一樣，作為濛粉加埋果d甜酸汁，可能食唔慣好怪。但三十幾四十蚊一碗確係唔抵唔值。