永興燒臘粉麵茶餐廳 (已結業)

今日去左探朋友, 一年都無一次去寶琳, 落左地鐵同朋友係商場行左一陣就去搵野食。朋友住左係度幾年, 話帶我去食D 街坊美食, 唔好食D出面商場都有既連鎖食肆。行左陣就到, 見到門面心諗唔係麻, 依D荼記周街都有, 有咩咁好食, 諗住叫個荼餐算。一坐底朋友叫我試椒鹽豬扒飯, 話好好味,我心諗有幾好呀, 周街都係咁, 會唔會吹大左，再加左杯凍奶茶。十分鐘唔洗就到左, 黎到放低聞到好香, 大大塊豬扒, 有成6-7塊。豬扒無落炸粉, 塊肉真係咁大, 睇落去令面唔幹身, 邊位肥膏明溶左d, 明顯有炸過。上碟有辣椒絲同蔥花伴埋, 飯都淋左鼓油上面。可能岩岩炸起同有鼓油, 香到唔講得少, 飯一黎到就食左啖豬扒, 邊位夠油同溶化, 得大果兩塊豬扒有骨。 肉好香豬扒味, 係中間位有少少乾, 的確係比出面茶記好食, 不過多條菜就更好, 因為豬扒都不斷出油, 滲晒落飯食完個口有油膩感。奶茶都算水準之上, 可能係街坊生意, 煮得有心機,。不過價錢都唔算好平, 55蚊, 物有所值。 下次有機會經過會再食！