金寶泰國菜館

營業中

休息中

又下雨又潮濕的天氣，不知道食咩好，和男朋友兜來九龍城買嘢，順便看看有什麼好食的。搵左車位停好左打算走一走，就看見金寶泰國菜，挺吸引的，又不用等位，那就試試。我和男朋友都很喜歡泰國菜。原來餐廳內有泰國菜和越南菜，眼花撩亂真的好多選擇。我叫了一杯龍眼冰，真係好多粒龍眼呀，真係第一次食到咁多龍眼既龍眼冰~泰式炒通菜-平時食開馬拉盞通菜，今次就試試泰式係咩味道先，味道無馬拉盞咁重口味，反而會有d辣辣地酸酸地，而且通菜夠嫩，點炒都新鮮～咖喱鮮雞煲-配埋麵包，好香咖喱味，而且都多雞件，又有薯仔，雞肉好鮮嫩，舊舊都可以食得，咖喱汁用黎撈麵包真係好正！酸辣無骨鳳爪-每次食泰國野都會必叫，呢度又整得幾好食，而且終於唔會太辣，連男朋友唔食得辣都食到，好多洋蔥同配菜，夠新鮮～酸辣煮蜆煲-唔知點解唔食得辣的男友會係咁想食辣呢個蜆煲又係好特別，話左辣但其實唔太辣，係酸味比較重，蜆好入味，酸酸咪咪的，煲底有好多粉絲，一樣咁入味，呢個食完好開胃。下次黎仲可以試下佢其他野，選擇好多，推薦~