浦和日本料理 (已結業)

朋友就黎生日, 上星期已經諗定點樣同佢慶祝食飯, 我o既朋友就提議食日本嘢; 於是我就留意吓邊度有好嘢, 咁啱俾我o係"飲食xx"果度發現佢地賣緊廣告, 仲大字標題話酒店式日本放題, 而且仲另外有兩間分店o係香港果邊, 心諗都應該唔會差得去邊掛, 所以拿拿臨就打電話去訂左7:45; 5位。 後來上"Openrice"哩度睇d網評; 話哩間o野d服務好差, 又會拖時間唔黎d食物﹑嚴重漏單, 等你食到夠鐘就要走, 攪到我個心十五﹑十六咁, 唔知好唔好cancell booking, 但後來就因為就腳o既關係唯有照去。7:20分去到仲未夠鐘, 因為只係任點兩個小時o既關係, 我地座o係大門口等埋其他朋友, 門口果個姐姐知我訂左位, 就叫我地入去另外o既地方座住等, 後尾仲幫我地問經理話可唔可以俾我地早d入去座唔好計時住, 因為唔知朋友幾時到, 經理就答我地如果唔係太忙都免強可以。一入度去另外有位好nice o既姐姐幫我地落單同埋話俾我地知飲品﹑沙律﹑甜品同地新鮮炸蝦天婦羅可以自己去後面攞。 我地叫左好多野有魚生﹑生﹑熟壽司﹑手卷﹑天婦羅﹑串燒﹑牛肉煱﹑仲有其他...........; 落單後