澄壽司 (已結業)

朋友請食午飯，約了在她家附近，即跑馬地，問我食咩，咁呢排一有人請食飯我都會揀日本菜，也懶得再諗其他。選了這裡，午飯時候都幾多人。她的推介是壽司定食，但因為是日的工作嚴重的影響心情，就簡單的叫了個沒有刺身的日替算了，橫豎我也沒有第一次幫襯就吃刺身壽司的習慣。渴過熱茶，先來小，是精嫩的木魚絲冷蘿蔔，味道清清甜甜，雖然份量少少，但幾清新幾討好，作為前菜，稱職之極；再來是茶碗蒸，幾多料，有雞肉、白果、筍等正規材料，蛋味清淡，都不錯；主菜上場，是鹽燒雞扒。雞扒薄薄的，不是靚貨，但就真的是下鹽的去燒，雞皮也燒得薄脆，幾香口幾好味，如果可以來一杯燒酌就更無得彈；吃便當有關東煮的話，感覺是正宗好多。一碗關東煮，例牌是蒟蒻、魚板、蘿蔔、竹輪及半隻蛋，味道不過濃過甜，幾正統，又係果句，如果唔係返工，就會係燒酌時間。吃關東煮，點的是芥末，千祈唔好搞錯；就連味噌湯也有魚肉在內的，加上油豆腐及豆腐粒等，比坊間的無料味噌湯感覺好好多；這個便當，看似不多，但一樣一些，都很飽很滿足了。朋友的刺身定食有八件手握加一條卷物，吃了一件油甘，幾新鮮，手勢不錯。臨走的時候去壽司檯看過，是兩位日本師傅帶著兩位本地徒弟，幾認真，下