炑八韓烤 (已結業)

鬼叫我為食咩，放假都特登出嚟食個晏，因為平時返工都冇時間好好咁坐低食返個平價燒肉，今日我向你推介嘅就係呢一個燒肉午餐！我今日叫咗個雜錦燒肉，裏面包含咗三款肉，包括雞肉牛肉同豬肉，仲有少少菇同埋南瓜片，平時夜晚食呢個份量嘅晚餐燒肉就唔係呢個價錢啦，應該貴好多！所以我會建議大家下晝嚟食個豐富嘅午餐！另外我加左＄18叫咗個蟹膏飯，裏邊有一大堆嘅蟹膏同埋蟹柳蟹子，蟹膏嘅味道好香濃，但係唔係個個都會接受到，因為都有啲鯹，不過我喜歡啊！更值得一提嘅就係佢會係側邊擺咗厚厚嘅芝士加粟米粒，另一邊就會加左一啲嘅蛋漿同埋泡菜，蛋漿就係無限添加嘅，但係我一個人食實在覺得太豐富了，已經好飽，沒有再次加到蛋漿了！如果大家有時間又想慢慢嘆嘅我會推介大家下午你度食燒肉啊！大家依度食午餐唔收＋1 㗎，仲有生菜附上！t