龍皇酒家 (開源道) (已結業)

呢排疫情橫行，好多時都係HOME OFFICE。真係好小出街，外面食更加小之有小。 見呢幾日確診數字回落，加上悶咗咁耐， 唯有畀個籍口自己出去食返餐。約咗舊同事去觀塘TEA， 佢哋話可以蛇落公司樓下間龍皇下午茶。我無乜所謂。以前去過紅磡間龍皇都無乜特別， 可能現在疫情關係，感覺上枱同坐位空間闊咗，坐得舒服咗。又有探體溫，酒精搓手液呢D例牌防疫措施。但我欣賞呢樣嘢， 起碼食得安心D。 咁啱又係下午茶，我哋可以盡情叫。叫咗好多嘢食點心食咁。出菜都叫做快，味道都算唔錯，都值七八十分。 雖然在疫情期間唔應該出街，但匿埋屋企咁耐真係好辛苦，希望疫情快啲過去，等我哋有返正常生活啦！