老虎冰室

營業中

休息中

今日熱到痴肺，打完波想盡快去有冷氣嘅地方。揀咗V city呢間老虎冰室。因為太肚餓，嗱嗱聲即刻落單。叫咗個欖菜炒飯，乾炒牛河。老友見到有美祿即刻落單試吓。催咗兩次等咗接近25分鐘先至嚟齊啲嘢。見到隔籬枱遲過我哋都上晒。乾炒牛河牛肉算大塊都OK；齋啡都夠香。但個美祿好怪，稀瀨瀬唔知乜嚟。炒飯碎濕濕有少少燶嘅感覺。咁嘅價錢咁嘅質素，下次老虎蟹都唔會再嚟。