真味鮮廚 (已結業)

又到下午茶時間，好想飲茶食點心，之前中午茶覺得呢間唔錯，我地估下午茶應該都有水準。我地兩個人都叫左幾多野，大家都好肚餓，我地叫左燒腩米線一碗，一籠鮮竹牛肉球，一碟蜜汁叉燒腸，仲有蟹籽燒賣皇、鮮蝦菜苗餃、豉汁煎釀茄子。最欣賞係有雙拼叫，可以一次過滿足晒兩個人既願望，雙拼叫左煎堆拼鹹水角、南瓜餅拼香芋圓同最後蘿蔔糕拼馬蹄糕，每樣大概15至20蚊碟，真係好抵食。當然啦下午茶抵食，唔好對食物質素期望太高，淨以價錢睇，都好滿足。