冬蔭公公 (已結業)

下午茶餐先$36，好抵食，只需加$3就有一杯野飲，亦可加$7轉特飲。有三種湯底揀，我就當然要揀冬蔭功啦，配料仲列晒出黎，想走花生或者其他野，系張紙上面刪走就得喇。之後可以揀一個餸，加錢要多個餸都得。整體黎講都夠晒大碗，下午茶黎講算好飽，不過我就不太鐘意啲辣椒切得太細粒，因為同芫茜好似，而且又好容易就咬到，所以有時都辣親我。再加上可能唔同師傅唔同手勢，bb辣真係可以唔辣咁，我每次食中辣，但每次辣度都唔同，好難捉摸。好彩杯野飲夠晒大杯，飲唔晒仲可以叫人比個杯蓋拎走。