夏雪 (已結業)

係旺角區，食肆林立，不過想食d平平地又頂到肚既都唔易搵架。呢度既食物唔係好味果種，美其名係賣日本理料，其實就好有香港feel既日本野，有d似元將。下午茶d食物好多選擇所以先去，雙色壽司有八款揀，17-24元，有d炒飯類和拉類，我個人就少吃這類的拉因為賣相麻麻。推介是雙色壽司，因為晚飯時間正如之前的食評說，好似要三十幾元架。我見過，晚飯既雙色壽司份量同質數都無乜分別，唔係特別正，所以下午茶會抵好多。另外推介海膽雞軟骨，好味，次次都叫。佢個下午茶係set來架，如果係sushi的話會送沙津，好幾好味，不過通常係要d主菜來晒食緊什至食晒佢先會來囉.....特飲加七元，熱飲好似加兩元(因為次次去d waiter講既野都唔同，有人同我講過唔洗加錢tim.....)食物來得好慢好慢，通常會幾乎飲晒杯d食物先開始到。間野好多塵，因為黑色牆加埋強烈射燈，見到好多塵飛下飛下，食食下仲有人用藍威寶抺地，仲有好多人煲煙。如果唔係見佢個下午茶可以當午飯或晚飯吃，就真係唔去lu。下午茶星期一至五好似兩點半到六點，星期六日就三點開始。一到六點就你叫賣左單先.......咩食物飲品都還沒有來..!!這裡是沒有服務可言