東江雞酒家

這裡下午兩點後便有下午茶, 有款炒粉面餐連埋糖水$38. 今次選了黑椒牛柳絲炒烏冬, 感覺似係即炒的, 味道不錯呀, 炒得幾香幾惹味的, 又唔會太油膩, 賣相也不錯的, 加了紅椒青椒一起炒 色彩繽紛, 雖然黑椒落了不少, 但味道不會過辣, 對我黎講剛剛好, 香多過辣.  份量方面, 牛柳絲就真的有頗多, 牛柳絲質地都OK, 唔算韧, 只是有些筋位比較難咬. 因為覺得惹味的關係, 反而烏冬的份量就想多一點, 不過終究這個只是下午茶, 所以其實份量都合適了.

糖水今天有紅豆沙, 綠豆沙和喳咋. 我選了紅豆沙~見到碗紅豆沙都知應該落足料煲的, 味道不會太甜, 都算不錯啦. $38有碟炒烏冬再加一碗糖水 其實都算OK了, 出面食一碗紅豆沙都要10蚊啦.

最後埋單$40, 過年後原來要每位茶芥$2, 不過都可以接受啦. 下次都會再光顧.

黑椒牛柳絲炒烏冬

$38