炯記餐室 (沙咀道) (已改名) 查看

今日去荃灣明愛賣物會，下午5點幾拎住戰利品又攰又餓，我個 friend帶我去呢間炯記餐廳食下午茶(下午茶至到6點) 。我哋點了2款下午茶餐：鹽焗手撕雞飯和鹽焗手撕雞撈粗麵，2杯跟餐飲品同埋加10蚊要多一份雞腎小食。我因為好肚餓要食飯，碗飯係完全冇汁嘅白飯，上面鋪了鹽焗手撕雞，雖然啲雞好食，但碗飯比較乾，要一邊飲水一邊食。我個friend話佢嗰碗鹽焗手撕雞撈粗麵好好食，仲嫌太細碗唔夠飽㖭。埋單找數89蚊，我呢餐當埋食晚飯，所以好抵！