Bakery Café by Maxim’s (已結業)

於3點幾去到,叫了個厚切排包公司三文治下午茶餐當late lunch,都$42份. 原本想配coffee with skimmed milk, 但因全杯機沖得轉skimmed milk,就改了要凍檸水走甜算.落order 時我問個收銀,三文治可否走醬,佢又轉身問個'廚師'(唔知叫唔叫廚師,因為佢只係負責reheat 食物同上碟),那人就話唔得,因為三文治係預先整好,只是reheat.咁都算,唯有自己刮走佢.到等杯飲,我都好sure 自己係最先order 那個,因排我之前的人已拎晒飲品食物,但水吧阿姐,就不斷出咗排我後面既人的飲品先(因佢地要求在收銀旁先拎咗飲品,然後先坐低等食物),我問收銀可否出咗杯飲品俾我先,個水吧阿姐聽到,搭咀話佢地都係跟飛(的次序)去做,不過個收銀提佢,係我那杯先,叫佢即整. 到佢返埋位(在收銀後面就係水吧)整時,又整錯,整了凍檸茶俾我(張單明明寫凍檸水,又話自己跟單?).到拎三文治時,都幾失望, 其實絕大部份地方,公司治都係會配薯條或薯片,少少都會有,但呢度無.擺位又就咁横放,睇落平平無奇,賣相唔太吸引.食落仲覺得啲沙律醬焗完好怪(唔易刮走,瓊咗痴住晒在蕃茄度)