峇峇娘惹

營業中

休息中

收工經過T Town去咗食tea，我本身都飛開星馬旅行。疫情冇得去要搵啲星馬菜解辣。本身想叫啲糕點食，不過佢話冇貨，短期都冇。之後叫咗下午茶餐魚腐滲滲喇沙配熱拉茶。拉茶夠熱，甜度適合，似當地嘅味道咁有落煉奶。喇沙湯底濃厚，不過我嫌佢落得太多辣椒碎影響少少個湯底味道。我又唔太食得辣，食到出晒煙。商場冷氣冇乜，食完辣野都會影響食客舒適度。加配咗咖喱角，味道好食，抵食8蚊就有兩舊。不過奇怪係佢係跟泰式辣醬，本身咖喱角係唔應該落醬。總體來講抵食，下午茶都冇乜人，座位好舒服。