秋禾田日本料理

五點多做完義工好肚餓，見呢間野新開，便來試試。

叫了個叉燒餃子拉面($20) + 飲品。不收加一。

面一黎，一睇，已知面身一定不太好，只是大批買回來的拉面，沒有拉面香味，預咗啦，咁ge price都唔預有靚野食。好在面身唔好太淋，不過好似有鹼水。叉燒入味，好。餃子好難食，是炸餃，但唔好食，味道仲差過淘大煎餃。

另方面要講的是食具和服務。
我支羹，有好大陣漂白水味囉，好難頂。

有一個女assistant manager (K 字開頭)勁寸，不是對客人，而是對比她低級的侍應。還要在客人面前教導& 教訓那些員工。叫他們要醒目d，唔好成日要佢提幾時要換牌，勁order d 員工要做咩做咩，自己就做d輕kang 野。面黑黑，好心唔好當住d客教員工啦！間鋪開咗幾日jar, 唔通你expect d 員工已好熟日程嗎？

雖然今次俾喊面，但應該會再試，睇吓有無進步。