5越越南餐廳 (已結業)

今日下午茶時段，叫咗一碗牛肉湯金邊粉，可選河粉或其他泰式粉。湯底味道幾好，但得三條好細嘅有肥膏牛肉，金邊粉就好多，好彩我唔係食肉動物所以算係咁。如果你係食肉動物就應該唔會俾合格了。另一個朋友食炸雞翼泰式沙律，味道同份量都好好。雞翼整得唔錯，泰式沙律好多甜酸汁。下午茶包一杯飲品，凍飲加三蚊，有加一。下午茶時段唔多人，幾好坐，開揚。服務普通。無笑容，亦無黑面。商場算新，唔算好就腳但有橋由地鐵可通往都算ok。