Lunch唔太肚餓，買小食算，經過威記美食，正合我意，仲要係黃店，必支持下。
14:00多去到﹐冇乜人，小小的外賣店，但食物有好多選擇果下勁！街頭小食、飯餐、車仔麵、炸物...好多野食呢。
見好耐冇食煎釀三寶，即揀，仲要埋炸燒賣。
可即場立食，不過都係外賣返去食舒服點。
煎釀三寶$＄15/6件，要了茄子、紅腸、青椒、魚蛋、豆腐及炸雲吞，熱騰騰，賣相較皺皮應該係有翻炸同炸太耐唔夠金黃，食落太油膩，鯪魚肉少薄薄一層，少少彈牙而魚味唔突出，炸雲吞尚算脆口，味道一般。
炸燒賣，＄12/7，口感脆，少許惹味。
食物水準普通，但幾抵食，支持小店。
