Riso Café (已結業)

打波前食個tea補充體力，見食評都唔錯，就去試試。坐底攞咗Menu睇，有下午茶或二人餐(下午茶時段減$20)，唔想食咁多，就叫咗兩個下午茶 - 煙肉火雞白汁意粉(Menu上的名字)及炸薯角，飲芒果閒情及熱柚子茶。芒果閒情 = 熱芒果茶，有幾粒芒果，算唔錯，唔算好甜；熱柚子茶都ok，都有柚子皮食下。至於兩個主角就.............煙肉火雞白汁意粉 - 等緊的時候望下張單，發現個名變咗係煙肉白汁意粉，o咗嘴，上枱時賣相都唔錯，幾片磨菇，又有nuts，無咗火雞都算啦，撈幾撈發現白汁好少，頭一兩口仲有D白汁，之後就開始乾，無白汁，意粉亦黐埋一舊。好戲還在後頭..........炸薯角 - 以一個小籃上枱，籃已經細啦，但薯角的數目更少，只係僅僅鋪平籃底，唯一可取的是賣相吸引，炸得夠熱，但唔夠脆口lor........食完好似無食過。以咁嘅價錢，交D咁嘅貨色，未免有D失望。