小甜谷 Dessert Kaffee (已結業)

我每日係中環三點放工，平時都係食下啲快餐做下午茶。巧遇有日行街接左張小甜谷傳單，送原隻西柚新鮮果汁，就打算搵日試試。三點半到小甜谷，人唔太多，餐廳環境好舒服，枱櫈都好舒服，一個人被安排 坐左係窗邊，無咩陽光好正~未叫野食已經感覺到relax左😆叫左個黑松露煙肉忌廉意粉，雖然佢都有下午茶餐，但係因為我果張傳單要叫午餐先有西柚送所以叫了個88蚊既午餐。碟野一黎，就聞到黑松露好香，炒得好乾身，無想象中咁creamy，其實成碟總括黎講係好味，夠飽，唯一係油太多，食完碟底好多油，午餐本身有杯果茶，入面有奇異果士多啤梨等等既生果粒，又有明目既杞子，好清甜好好味 西柚汁其實都係西柚汁，只不過係好睇啲，埋單加一97蚊食飽飽，飲飽飽。encore機會好大。